Bláa Lónið er opið

14. júní 2024

Undanfarna mánuði höfum við verið minnt á krafta náttúrunnar og þau áhrif sem þeir hafa óumflýjanlega á okkur öll. Við höfum gripið til tímabundinna lokana á þessu tímabili en líka nýtt tímann til þess að endurskoða viðbragðsáætlanir og bæta innviði svæðisins.  

Það gleður okkur að tilkynna að við höfum opnað allar starfsstöðvar okkar að nýju. Opnunin nær til allra rekstrareininga, þ.m.t. Bláa Lónsins, Blue Café, veitingastaðanna Lava og Moss, hótelanna Retreat og Silica, Retreat Spa og verslunarinnar á svæðinu.  

Sundhnúkagígaröðin er virk en hraunflæði ógnar ekki innviðum við starfsstöðvar Bláa Lónsins. Helstu þættir sem hafa áhrif á starfsemi Bláa Lónsins nú eru áhrif eldgossins á loftgæði.  

Gögn sem safnast hafa í síðustu atburðum eru nýtt til þess að spá fyrir um mögulegar breytingar á yfirstandandi atburði á Reykjanesinu. Þær gætu komið fram sem aukin virkni í núverandi eldgosi. Þó er líka möguleiki á öðrum sviðsmyndum.

Við höfum stækkað net gasmæla okkar í og við Bláa Lónið. Eins er veðurathugunarstöð hjá Bláa Lóninu þar sem veður og vindar hafa úrslitaáhrif á loftgæði svæðisins. Með þessum hætti getum við vaktað aðstæður og safnað mikilvægum gögnum í rauntíma og hrint viðbragðsáætlunum í framkvæmd ef gögn gefa tilefni til þess.  

Við höldum áfram að fylgja tilmælum yfirvalda til hins ítrasta og fylgjumst vel með stöðunni í samstarfi við yfirvöld og sérfræðinga. Við vinnum ötullega að því alla daga að tryggja öryggi starfsfólks og gesta, lærum af reynslunni og nýtum nýja þekkingu á uppbyggilegan hátt. Upplýsingar um stöðuna á Reykjanesi, loftgæði og aðstæður svæðisins má nálgast hjá Veðurstofu Íslands, Almannavörnum og á Loftgæði.is.

Nánari upplýsingar má finna neðar á þessari síðu. 

Blue Lagoon water

Nánari upplýsingar

Bláa Lónið Norðurljósavegur 9 240 Grindavík Sjá á korti

+354 420 8800

Hafa samband

Mín bókun