Flot í Bláa Lóninu

Hlýja, þyngdarleysi og vellíðan.

Slökun. Hugleiðsla. Upplifun.

Steinefnaríkt vatn Bláa Lónsins umvefur þig hlýju meðan þú flýtur í einu af undrum veraldar. Þú kemst í djúpt og róandi hugleiðsluástand og verður eitt með vatninu. Þyngdarleysi flotsins og létt nudd meðferðaraðilans mýkir líkamann og róar hugann – dregur úr streitu, linar verki og stuðlar að innri friði.

Veldu þína upplifun

Hægt er að velja um tvær mismunandi flotmeðferðir. Einstaklingsflot býður upp á persónulega tengingu við meðferðaraðila þar sem hann veitir þér hámarks umönnun og athygli. Paraflot gerir pörum kleift að njóta saman slökunar meðan meðferðaraðili skiptir tíma sínum milli þeirra.

Einstaklingsflot

45 mínútur | 1 einstaklingur | ISK 24.900

Djúp meðferðarupplifun þar sem þyngdarleysi og mjúkt nudd gefa fullkomna slökun í nærandi og steinefnaríkri hlýju Bláa Lónsins.

Bæta við mína bókun

→

Bóka

Paraflot

45 mínútur | 2 einstaklingar | ISK 19.900 á mann

Sameiginleg meðferðarupplifun þar sem þyngdarleysi og mjúkt nudd færir pörum nánd og um leið djúpstæða slökun og vellíðan.

Bæta við mína bókun

→

Bóka

Flothetta Bláa Lónsins

Njóttu þess að fljóta þegar þér hentar með sérstakri útgáfu flotbúnaðar í samstarfi Bláa Lónsins og Flothettu. Mynstrið sem prýðir flothettuna er hönnun Bláa Lónsins og er innblásið af þremur frumefnum lónsins, sem eru kísill, örþörungar og steinefni.

Upplifunin í flotmeðferð

Flotmeðferð snýst um að sleppa takinu svo njóta megi ávinnings af mjúkum teygjum og léttu nuddi sem miðast að beinabyggingu, liðum, og losun spennu í hryggsúlu. Til að njóta upplifunarinnar til fulls er best að láta alla stjórn af hendi og fljóta í fullkominni slökun. Þyngdarleysi, hlýja vatnsins ásamt umhyggju og handleiðslu meðferðaraðila gera þér kleift að skilja hversdaginn eftir um stund og líða inn í tímalausa slökun.

Bóka flotmeðferð

Ef þú átt þegar bókaða heimsókn í Bláa Lónið geturðu bætt við flotmeðferð í Mín bókun.

Ef þú átt ekki bókaða heimsókn í Bláa Lónið geturðu bætt við flotmeðferð þegar þú bókar hér.

Algengar spurningar

Hver er munurinn á nuddmeðferð í Bláa Lóninu og flotmeðferð?

Nuddmeðferð í Bláa Lóninu miðast við vöðva, kvikupunkta og stífleika, á meðan flotmeðferð beinir sjónum að beinabyggingu, liðum og losun spennu í hryggsúlu. Nuddið í flotmeðferð er mýkra og léttara. Að sama skapi verður tenging milli gests og meðferðaraðila sterkari þar sem viðkomandi sleppir tökum. Umvefjandi hlýja vatnsins og mýkjandi snerting meðferðaraðilans sjá til þess að gesturinn kemst í djúpt hugleiðsluástand.

Hvernig bóka ég tíma í flotmeðferð?

Hvert er aldurstakmarkið fyrir flotmeðferðir?

Er flotbúnaðurinn örugglega nægur stuðningur fyrir mig meðan á floti stendur?

Mun hárið á mér blotna?

Er sítt hár til vandkvæða meðan á flotmeðferð stendur?

Get þeir sem þjást af hryggskekkju fengið auka stuðning?

Fæ ég vatn í eyrun?

Er í lagi að nota eyrnatappa?

Er óhætt að fara í flotmeðferð meðan á meðgöngu stendur?

Er aðgangur í Bláa Lónið innifalinn í verði flotmeðferðar?

Uppgötvaðu Bláa Lónið

Nudd í Lóninu

Maskabar

Sauna og gufa

Bar Bláa Lónsins